Ռադիոհաճախային սարքեր և համակարգեր
«Էլեկտրոնային սարքեր և չափիչ համակարգեր» ամբիոն
Ինժեներական քաղաքում գործող «Էլեկտրոնային սարքեր և չափիչ համակարգեր» ամբիոնը բաժանմունք է Երևանի պոլիտեխնիկական համալսարանի «Տեղեկատվական և հաղորդակցական տեխնոլոգիաների և էլեկտրոնիկայի ինստիտուտի» կազմում։ Այն արդյունաբերության վրա հիմնված կրթական ամբիոն է, որը համատեղում է ավանդական կրթությունը արդյունաբերության վրա հիմնված կրթության հետ, որտեղ դասընթացների, լաբորատոր աշխատանքների և հետազոտությունների մի մասը տեղի են ունենում Ինժեներական քաղաքում: Ծրագիրը ավարտվում է դիպլոմային նախագծով: Դիպլոմային նախագծերն արդյունաբերությանն առնչվող նախագծեր են, որոնք առաջարկվում և ղեկավարվում են արդյունաբերության մեջ աշխատող խորհրդատուների կողմից: Բազային ամբիոնը իրականցվում է նաև արտադասարանային մի շարք լրացուցիչ դասընթացեր Ինժեներական քաղաքում:Ամբիոնի շրջանավարտները ստանում են Պոլիտեխնիկական համալսարանի ճարտարագետ բակալավրի որակավորում «Ռադիոտեխնիկա և կապ» ոլորտում:
Ռադիոհաճախային սարքավորումներ և համակարգեր ծրագրի նպատակն է՝ պատրաստել լայն պրոֆիլի ինժեներներ ռադիոտեխնիկայի և կապի բնագավառում։
Ծրագրի խնդիրներն են ապահովել ռադիոտեխնիկայի, կապի միջոցների և համակարգերի, ռադիոհաճախային սարքավորումների և համակարգերի հիմնադրույթների վերլուծության, մշակման, նախագծման, թեստավորման և իրականացման հիմնարար սկզբունքների ու մեթոդների յուրացումը և գործնական կիրառումը:
Ամբիոնը, տեղակայված լինելով Ինժեներական քաղաքում, հնարավորություն ունի օգտագործելու այնտեղ գտնվող արտադրական ենթակառուցվածքները, լաբորատորիաները և սարքավորումները, ինչը շատ կարևոր է որակյալ ինժեներական կրթության համար:
«Էլեկտրոնային սարքեր և չափիչ համակարգեր» ամբիոնն ունի ուսումնական, գիտական և հետազոտական կապեր ինժեներական քաղաքի ավելի քան 10 ընկերությունների հետ՝
- Նեյշնլ Ինսթրումենթս,
- ԵԱ ԷՆՋԻՆԵՐԻՆԳ,
- Ինտեգրատոր,
- Փրոջեկտ Ինտեգրեշն,
- Օլիմպ էնջիներինգ,
- Ինսոլ,
- Էսի Տեխ,
- Մուշ Թեքնոլոջիս,
- Վան Թեքնոլոջիս,
- ISB AM,
- Urartu Systems: