Չափիչ սարքեր և համակարգեր
«Էլեկտրոնային սարքեր և չափիչ համակարգեր» ամբիոն
Ինժեներական քաղաքում գործող «Էլեկտրոնային սարքեր և չափիչ համակարգեր» ամբիոնը բաժանմունք է Երևանի պոլիտեխնիկական համալսարանի «Տեղեկատվական և հաղորդակցական տեխնոլոգիաների և էլեկտրոնիկայի ինստիտուտի» կազմում։ Այն արդյունաբերության վրա հիմնված կրթական ամբիոն է, որը համատեղում է ավանդական կրթությունը արդյունաբերության վրա հիմնված կրթության հետ, որտեղ դասընթացների, լաբորատոր աշխատանքների և հետազոտությունների մի մասը տեղի են ունենում Ինժեներական քաղաքում: Ծրագիրը ավարտվում է դիպլոմային նախագծով: Դիպլոմային նախագծերն արդյունաբերությանն առնչվող նախագծեր են, որոնք առաջարկվում և ղեկավարվում են արդյունաբերության մեջ աշխատող խորհրդատուների կողմից: Բազային ամբիոնը իրականցվում է նաև արտադասարանային մի շարք լրացուցիչ դասընթացեր Ինժեներական քաղաքում:Ամբիոնի շրջանավարտները ստանում են Պոլիտեխնիկական համալսարանի ճարտարագետ բակալավրի որակավորում «Սարքաշինություն և չափագիտություն» ոլորտում:
Ծրագրի նպատակն է պատրաստել լայն պրոֆիլի ինժեներներ սարքաշինության և չափագիտության ոլորտում։
Ծրագրի խնդիրներն են՝ ապահովել չափիչ սարքերի, սարքավորումների և համակարգերի նախագծման, վերլուծության և գործողության հիմնարար սկզբունքների ու մեթոդների յուրացումը և նրանց գործնական կիրառումը։
Ամբիոնը, տեղակայված լինելով Ինժեներական քաղաքում, հնարավորություն ունի օգտագործելու այնտեղ գտնվող արտադրական ենթակառուցվածքները, լաբորատորիաները և սարքավորումները, ինչը շատ կարևոր է որակյալ ինժեներական կրթության համար:
«Էլեկտրոնային սարքեր և չափիչ համակարգեր» ամբիոնն ունի ուսումնական, գիտական և հետազոտական կապեր ինժեներական քաղաքի ավելի քան 10 ընկերությունների հետ՝
- Նեյշնլ Ինսթրումենթս,
- ԵԱ ԷՆՋԻՆԵՐԻՆԳ,
- Ինտեգրատոր,
- Փրոջեկտ Ինտեգրեշն,
- Օլիմպ էնջիներինգ,
- Ինսոլ,
- Էսի Տեխ,
- Մուշ Թեքնոլոջիս,
- Վան Թեքնոլոջիս,
- ISB AM,
- Urartu Systems: