Տեղեկատվական տեխնոլոգիաներ
«Ալգորիթմական լեզուներ և ծրագրավորում» ամբիոն
Ալգորիթմական լեզուներ և ծրագրավորում ամբիոնը պատրաստում է ճարտարագետ մասնագետներ տեղեկատվական տեխնոլոգիաների (ՏՏ) ոլորտի համակարգերի շահագործման, արդիականացման, պահպանման, տեղեկատվական անվտանգության, տեղեկատվական և տեխնիկական ռեսուրսների արդյունավետ օգտագործման համար։ ՏՏ մասնագիտության գծով ճարտարագետները կարող են անհրաժեշտ տեղեկատվական տեխնոլոգիաները կիրառել գիտաարտադրական, առևտրատնտեսական, ֆինանսաբանկային, տրանսպորտի, կապի, պաշտպանական, ներքին գործերի, առողջապահական, բնապահպանական, ուսումնակրթական և զանազան տեխնոլոգիական գործընթացներ իրականացնող հիմնարկ-ձեռնարկություններում:
Ամբիոնի գլխավոր խնդիրներից է շրջանավարտներին նախապատրաստել ՏՏ ոլորտի բազմաբնույթ մասնագիտական կարիերայի։ Մասնագիտական դասընթացների փուլում ուսումնասիրվում են ալգորիթմներ և տվյալների կառուցվածքներ՝ որը ծրագրավորման հիմքն է: Բացի վերոնշյալ ուղություններից, ՏՏ շրջանավարտները կարող են իրենց ուժերը փորձել`
- Client Software (Front End – HTML5, CSS3, JavaScript, jQuery),
- Server Software (Back End – PHP, C++, C#, Java, Node.js, SQL, MongoDB), SEO-որոնման համակարգի օպտիմալացում և UI/UX բնագավառներում։
Ավարտական կուրսում ՏՏ մասնագիտությամբ ուսանողները իրականացնում են Full Stack վեբ մշակում՝ MEAN stack: Java Script – Mongo DB – Express – Angular JS – Node.js։
Ինչպես նաև կծանոթանան ծրագրերի կառուցվածքի նախագծման հիմնական ստանդարտներին (MVC, REST API, Server side rendering), և արդեն պատրաստի ծրագրի տեղակայում՝ ինչպես լոկալ սերվերներում, այնպես էլ ամպային միջավայրում (AWS, MongoDB Atlass …): ՏՏ մասնագիտական դասընթացների մոդուլն ավարտելով Full Stack վեբ մշակմամբ ուսանողները կկարողանան հեշտությամբ տեղավորվել աշխատանքի։
«Ալգորիթմական լեզուներ և ծրագրավորում ամբիոնն» ունի ուսումնական, գիտական և հետազոտական կապեր բազմաթիվ պետական ու մասնավոր կազմակերպությունների հետ, ինչպես Հայաստանում այնպես էլ նրա սահմաններից դուրս՝
- Երևանի կապի միջոցների գիտահետազոտական ինստիտուտ,
- «ԱԴՐԱԿ» ՍՊԸ,
- «Մեյսիս ապահով» ՍՊԸ,
- Ֆրանսիայի Լեմանի համալսան։