Տեղեկատվական անվտանգություն
«Տեղեկատվական անվտանգություն և ծրագրային ապահովում» ամբիոն
Տեղեկատվական անվտանգություն և ծրագրային ապահովում ամբիոնը պատրաստում է մասնագետներ «Ծրագրային ճարտարագիտություն» և «Տեղեկատվական անվտանգություն» մասնագիտություններով:
«Տեղեկատվական անվտանգություն» մասնագիտությամբ սովորող ուսանողների ուսումնառության ասպարեզն են հանդիսանում տեղեկատվության պաշտպանության հարցերի և ընթացակարգերի մաթեմատիկական մոդելների ընտրությունը և լավարկումը, տեղեկատվության պաշտպանության համակարգերի արդյունավետ իրագործման նպատակով թաքնագրման և գաղտնագրման ժամանակակից մեթոդների յուրացումը և կիրառումը, նոր մեթոդների և եղանակների նախագծումը, մշակումը, ինչպես նաև դրանց հիման վրա անվտանգության համակարգերի ստեղծումը: Ամբիոնն ունի նաև անգլալեզու ուսուցման ծրագրեր՝ բակալավրիատում, մագիստրատուրայում և ասպիրանտուրայում:Ամբիոնը վերը նշված մասնագիտություններով բակալավրի և մագիստրոսի կրթական ծրագրով ստացել է միջազգային հավատարմագրում և ինֆորմատիկայի ոլորտում Եվրոպական որակի նշան: Ամբիոնը համագործակցում է ինֆորմատիկայի բնագավառում հեղինակություն վայելող մի շարք հայկական և արտասահմանյան ընկերությունների և ուսումնական հաստատությունների հետ, որոնցից շատերի մասնագետները համատեղության կարգով դասավանդում են ամբիոնում, ղեկավարում բակալավրի և մագիստրոսի կրթական ծրագրերի ուսանողների ավարտական աշխատանքները և մագիստրոսական ատենախոսությունները, ինչպես նաև մասնակցում են դրանց պաշտպանությունների հանձնաժողովների աշխատանքներին:
«Տեղեկատվական անվտանգություն և ծրագրային ապահովում» ամբիոնն ունի ուսումնական, գիտական և հետազոտական կապեր բազմաթիվ պետական ու մասնավոր կազմակերպությունների հետ, ինչպես Հայաստանում այնպես էլ նրա սահմաններից դուրս՝
- Եր. Կապի միջոցների ԳՀ ՓԲԸ,
- ՀՀ Գիտությունների ակադեմիայի Ինֆորմատկայի ավտոմատացման պրոբլեմների ինստիտուտը,
- Ավիաինֆոթելը,
- «Ալգո» ՍՊԸ,
- «Macadamian» ՍՊԸ,
- VMware,
- Kaspersky Lab: