Հեռահաղորդակցություն և ազդանշանային մշակում
«Կապի համակարգեր» ամբիոն
Հեռահաղորդակցություն և ազդանշանների մշակում կրթական ծրագիրն իրականացնում է կապի համակարգեր ամբիոնը:
Ծրագիրն ունի երեք մասնագիտացումներ՝
- Օպտիկական կապ
- Կապի միջոցների նախագծում
- Հեռահաղորդակցական համակարգեր
Հ և ԱՄ կրթական ծրագրի շրջանակնրում ուսանողներին մատուցվում են գիտելիքներ ռադիոէլեկտրոնիկայի հիմունքներից, անտենային համակարգերից, տեխնոլոգիայից և կոնստրուկտավորումից, միկրո և նանո ռադիոէլեկտրոնային սարքերից, թվային սարքերից և միկրոպրոցեսորներից, օպտիկական կապի հիմունքներից, օպտոէլեկտրոնային համակրգերից և տարրերից, բջջային կապի հիմունքներից, գերբարձր հաճախականային սարքերից: Այս ամենից բացի յուրաքանչյուր մասնագիտացմամբ ուսանողին տրվում է դրան հատուկ լրացուցիչ գիտելիքներ:
Օպտիկական կապի դեպքում թվային ազդանշանների հաղորդման հիմունքներից, օպտիկական թվային հեռահաղորդակցության հիմունքներից,ինֆորմացիայի հաղորդման (այդ թվում թվային) ազդանշանների հաղորդման համակարգերից և ցանցերից:
Կապի միջոցների նախագծման մասնագիտացման դեպքում ուսանողներին տրվում է ռադիոէլեկտրոնիկայի և կապի հիմունքներից, կապի միջոցների տեխնոլոգիական հիմունքներից, օբյեկտների տեղորոշման միջոցներից, կապի ոլորտում կիրառվող այլընտրանքային էներգիայի կապի միջոցներից, կապի միջոցների փորձարկումից և հուսալիությունից:
Հեռահաղորդակցական համակարգեր մասնագիտացման շրջանակներում տրվում են գիտելիքներ արբայնակային և ռադիոէլեկտրոնային կապի համակարգերից, հեռահաղորդակցման համակարգերից ու ցանցերից և դրանց կառուցման հիմունքներից, էլեկտրամագնիսական համատեղելիությունից, ռադիոէլեկտրոնային պաշտպանության հեռահաղորդակցման համակարգերից, տեղեկատվական համակարգերի հիմունքներից:
Ուսանողները կրթության շրջանակներում ձեռք են բերում հմտություններ հեռահաղորդակցական խնդիրների բացահայտման, վերլուծության, ձևակերպման և լուծման ասպարեզում: Կարողանում են կատարել հեռահաղորդակցության տեսական և փորձնական հետազոտություններ, վերլուծել և մեկնաբանել դրանց արդյունքները, կատարել համապատասխան եզրակացություններ: Մշակել և հետազոտել կապի համակարգերի և դրանցում տեղի ունեցող գործընթացների մաթեմատիկական մոդելներ, օգտագործել կապի համակարգերի համակարգչային մոդելավորման և նախագծման ժամանակակից գործիքամիջոցներ և մոդելներ:
«Կապի համակարգեր» ամբիոնն ունի ուսումնական, գիտական և հետազոտական կապեր բազմաթիվ պետական ու մասնավոր կազմակերպությունների հետ՝
- Երևանի կապի գիտահետազոտական ինստիտուտը,
- UCOM ընկերություն,
- MTS Armenia,
- Beeline,
- Rostelecom Armenian,
- Team Telecom Armenia,
- National Instruments,
- Synopsys Armenia: